សន្តិសុខសង្គម

Mar 12

លោកឧត្ដមសេនីយ៍ទោ សោម ស៊ុន តំណាងឯកឧត្ដម នួន ផារ័ត្ន ប្រធានសមាគមអតីតយុទ្ធជន និងនិវត្តជនកម្ពុជា ខេត្តកំពង់ធំ ប្រគល់ផ្ទះថ្មី អំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនអតីតយុទ្ធជនពិការ

ខេត្តកំពង់ធំ៖ លោកឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករង អនុប្រធានប្រចាំការ និងជាប្រធានលេខាធិការដ្ឋាន នៃគណៈកម្មាធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ធំ តំណាងឯកឧត្ដម នួន ផារ័ត្ន អភិបាលខេត្ត ប្រធានគណៈកម្មធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ធំ អមដំណើរដោយលោក ជួន សិលាវិត ប្រធានសាខាមូលនិធិជាតិជំនួយសង្គមខេត្ត អនុប្រធានសមាគមអតីតយុទ្ធជន និងនិវត្តជនកម្ពុជា ខេត្តកំពង់ធំ និងលោក អ៊ុត វណ្ណរ៉ា អភិបាលស្រុក និងជាប្រធានសមាគមអតីតយុទ្ធជន និងនិវត្តជនកម្ពុជា ស្រុកកំពង់ស្វាយ បានដឹកនាំសហការី ទៅប្រគល់ផ្ទះថ្មីមួយខ្នង ដែលជាខ្នងទី៧៤ ក្នុងស្រុកកំពង់ស្វាយ នៅរសៀលថ្ងៃទី១១ ខែមីនា ឆ្នាំ២០២៦។ អំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ អានអត្ថបទ

Mar 12

ប្រធានសមាគមអតីតយុទ្ធជន និងនិវត្តជនកម្ពុជាស្រុកស្ទោង លើកទឹកចិត្តដល់ប្រធានសមាគមអតីតយុទ្ធជន និងនិវត្តជនកម្ពុជាគ្រប់ឃុំ ត្រូវគិតគូរយកចិត្តទុកដាក់ខ្ពស់ដល់សុខទុក្ខ និងជីវភាពអតីតយុទ្ធជននិងនិវត្តជនគ្រប់រូប

(កំពង់ធំ)÷ ប្រធានសមាគមអតីតយុទ្ធជន និងនិវត្តជនកម្ពុជាស្រុកស្ទោងលើកទឹកចិត្តដល់ប្រធានសមាគមអតីតយុទ្ធជន និងនិវត្តជនកម្ពុជាគ្រប់ឃុំ ត្រូវគិតគូរយកចិត្តទុកដាក់ខ្ពស់ដល់សុខទុក្ខ និងជីវភាពអតីតយុទ្ធជននិងនិវត្តជនគ្រប់រូប លោក សាយ គឹមឡម បានលើកឡើងដូច្នេះ ក្នុងឱកាសដែលលោក និងសហការីអញ្ជើញជាអធិបតីភាពក្នុងពិធីប្រកាសតែងតាំងសមាសភាពសាខាសមាគមអតីតយុវជននិងនិវត្តជនកម្ពុជាឃុំ នៃស្រុកស្ទោង ខេត្តកំពង់ធំ កាលពីព្រឹកថ្ងៃទី១២ ខែមីនា ឆ្នាំ២០២៦។ លោកបានសង្កត់ធ្ងន់ថា ការបង្កើតសមាគមនេះឡើងគឺជាគំនិតផ្ដួចផ្ដើមយកចិត្តទុកដាក់ដ៏ខ្ពង់ខ្ពស់បំផុតពីសំណាក់សម្ដេចអគ្គមហាសេនាបតីតេជោ ហ៊ុន សែន ដែលជាការតបស្នងសងគុណយ៉ាងធំធេងបំផុតដល់អតីតយុទ្ធជន និងនិវត្តជនគ្រប់រូបដែលបានខិតខំតស៊ូពុះពារលះបង់គ្រប់បែបយ៉ាងដើម្បីសង្គមជាតិដ៏ស្រស់បំព្រងនៃយើង។ ទន្ទឹមនឹងនេះលោក សាយ គឹមឡម បានលើកចិត្តបន្ថែមទៀតដល់លោកមេឃុំ និងប្រធានសមាគមគ្រប់រូបត្រូវ ខិតខំផ្តល់សេវា ជូនពលរដ្ឋ និងសមាជិកសមាជិកាអតីតយុទ្ធជន និងនិវត្តជនប្រកបដោយស្មោះភាពត្រង់ ស្និទ្ធស្នាល មានទំនួលខុសត្រូវខ្ពស់ ត្រូវបង្កើនគុណភាពប្រសិទ្ធភាពការងារបន្ថែមទៀត ជាពិសេសត្រូវគោរពពេលវេលា និងម៉ោងរដ្ឋបាលឱ្យបានជាក់លាក់បំផុត។ លើសពីនេះលោកអភិបាលស្រុកស្ទោង បានជំរុញដល់កងកម្លាំងអធិការនគរបាលស្រុក និងសហការីព្រមទាំងអង្គភាព អានអត្ថបទ

Mar 11

ក្រសួងរៀបចំដែនដី នគរូបនីយកម្ម និងសំណង់ជម្រាបជូនអតិថិជនរបស់គម្រោងផ្ទះ និងដីឡូត៍ ឡេង ណាវ៉ាត្រា ជ្រែមួយរយ និងគម្រោងផ្លូវជាតិលេខ៦អា ដែលមានទីតាំងស្ថិតនៅភូមិជ្រែមួយរយ និងភូមិអន្លង់ស្លែង ឃុំសំបួរមាស ស្រុកមុខកំពូល ខេត្តកណ្ដាល

រាជធានីភ្នំពញ៖ ក្រសួងនឹងទទួលពាក្យស្នើសុំផ្ទេរកម្មសិទ្ធិ ជាលើកចុងក្រោយ ពីអតិថិជនដែលបានបង់ប្រាក់ថ្លៃលក់ទិញដីឡូត៍និង/ឬផ្ទះគ្រប់ចំនួន ១០០% និងមិនធ្លាប់បានដាក់ពាក្យស្នើសុំជាច្រើនលើកកន្លងមក ចាប់ពីថ្ងៃទី១៣ ដល់ថ្ងៃទី១៥ ខែមីនា ឆ្នាំ២០២៦ ចាប់ពីម៉ោង ៩:០០នាទី ដល់ម៉ោង ១៧:០០នាទី នៅសាលសន្និបាត២០២១ ជាន់ទី២ នៃទីស្ដីការក្រសួងរៀបចំដែនដី នគរូបនីយកម្ម និងសំណង់ ដោយភ្ជាប់មកជាមួយនូវឯកសារដូចខាងក្រោម ៖ ១.កិច្ចសន្យាលក់ទិញដីឡូត៍និង/ឬផ្ទះ (ច្បាប់ដើម) ។ ២.វិក្កយបត្របង់ប្រាក់ឬឯកសារបញ្ជាក់ពីការបង់ប្រាក់ (ច្បាប់ដើម) ។ ៣.ឯកសារពាក់ព័ន្ធនឹងការស្នើសុំចុះបញ្ជីផ្ទេរកម្មសិទ្ធិ ដូចមានក្នុងឧបសម្ព័ន្ធ ។

Mar 11

កូនត្នោត ៤០០ដើមដាំក្នុងសហគមន៍កំពង់ឃ្លាំងដើម្បីលើកកម្ពស់វិស័យបៃតង និងការអភិវឌ្ឍទេសចរណ៍ប្រកបដោយចីរភាពស្រុកសូទ្រនិគម

‎សៀមរាប៖ នៅព្រឹកថ្ងៃទី១០ ខែមីនា ឆ្នាំ២០២៦នេះ សមាគមទេសចរណ៍កម្ពុជា សហការជាមួយរដ្ឋបាលខេត្តសៀមរាប និងរដ្ឋបាលស្រុកសូទ្រនិគម បានដាំកូនត្នោតចំនួន ៤០០ដើម ដើម្បីលើកកម្ពស់ការអភិរក្សបរិស្ថាន ការបង្កើនភាពបៃតង និងការអភិវឌ្ឍទេសចរណ៍ប្រកបដោយចីរភាព អមជាមួយកម្មវិធីដំណើរទស្សនកិច្ចទេសចរណ៍បរិស្ថាន ដោយមានអ្នកចូលរួមយ៉ាងច្រើនកុះករ។ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជា បានឲ្យដឹងថា ការដាំកូនត្នោតនាពេលនេះ ធ្វើឡើងក្នុងគោលបំណងបង្កើនភាពស្អាត និងភាពបៃតងធ្វើឱ្យពលរដ្ឋមានសុខុមាលភាពក្នុងសហគមន៍បង្កើតអនុស្សាវរីយ៍ជាមួយនឹងបវរកញ្ញាពិភពលោក ដែលមកពី៥០ប្រទេសផ្សេងគ្នា ក្នុងគោលដៅរួមផ្សព្វផ្សាយពីសក្តានុពលទេសចរណ៍នៅសហគមន៍កំពង់ឃ្លាំង និងបង្ហាញពីអត្ដសញ្ញាណជាតិទៅកាន់ពិភពលោក។លោក ង៉ូវ សេងកាក់ អភិបាលរងខេត្ដសៀមរាប មានប្រសាសន៍ថា កូនត្នោតទាំង ៤០០ដើម ដែលបានដាំនាឱកាសនេះពិតជាមានសារៈសំខាន់ណាស់ ក្នុងការលើកកម្ពស់ការអភិរក្សបរិស្ថាន ការបង្កើនភាពបៃតង និងការអភិវឌ្ឍន៍ទេសចរណ៍ប្រកបដោយចីរភាព។ ជាពិសេសការដាំដើមត្នោតនេះ មិនត្រឹមតែរួមចំណែកក្នុងការថែរក្សាធនធានធម្មជាតិប៉ុណ្ណោះទេ ប៉ុន្ដែថែមទាំងជាការថែរក្សានូវអត្តសញ្ញាណវប្បធម៌របស់យើងផងដែរ ពីព្រោះដើមត្នោតត្រូវបានចាត់ទុកជារុក្ខជាតិដ៏មានតម្លៃ និងបង្ហាញពីអត្ដសញ្ញាណជាតិរបស់ប្រទេសកម្ពុជា។ លោកអភិបាលរង អានអត្ថបទ

Mar 11

អ្នកភូមិបឹង១២គ្រួសារ ស្នើឱ្យអភិបាលខេត្តសៀមរាប ជួយដោះស្រាយការប៉ះពាល់ដែលបណ្ដាលមកពីគម្រោងសាងសង់ផ្លូវថ្មី

សៀមរាប៖ប្រជាពលរដ្ឋ ដែលរស់នៅក្នុងភូមិបឹង សង្កាត់ជ្រាវ ក្រុងសៀមរាប ជាច្រើនគ្រួសារ កំពុងមានបញ្ហាជាមួយគម្រោងសាងសង់ផ្លូវវាងមួយខ្សែ របស់ក្រសួងសារធារ:ការនិងដឹកជញ្ជូន ដោយពួកគាត់អះអាងថា គម្រោងផ្លូវថ្មីនេះ បានប៉ះពាល់ផ្ទះសម្បែង ដីធ្លីជាកម្មសិទ្ធិរបស់ពលរដ្ឋជាច្រើនគ្រួសារ។ក្រុមអ្នកភូមិ កំពុងតែប្រមូលផ្ដុំគ្នាកសាងជាឯកសារ ដើម្បីតវ៉ាចំពោះការប៉ះពាល់ ដោយសារគម្រោងសាងសង់ផ្លូវថ្មីនេះ ទៅតាមផ្លូវច្បាប់។ ប្រតិកម្មរបស់អ្នកភូមិ បានកើតមានបន្ទាប់ពីក្រុមការងារសាងសង់ផ្លូវ បានចុះទៅវាស់វែងព្រមទាំងបោះបង្គោល កំណត់ទីតាំង ហើយប៉ះពាល់ចំទៅលើដីរបស់ពួកគាត់ ហើយអាជ្ញាធរមូលដ្ឋានសង្កាត់ជ្រាវ សាលាក្រុងសៀមរាប ព្រមទាំងមន្ត្រីក្រសួងហិរញ្ញវត្ថុផង បានកោះហៅពួកគាត់ ឱ្យទៅប្រជុំនៅសាលាឆទាន ក្នុងភូមិបឹងកាលពីថ្ងៃទី៩ ខែមីនា ឆ្នាំ២០២៦រួចមក។ប្រជាពលរដ្ឋនៅភូមិបឹង បានស្នើសុំឱ្យអាជ្ញាធរមូលដ្ឋាន ជាពិសេសអភិបាលខេត្តសៀមរាប ឯកឧត្តមប្រាក់ សោភ័ណ ជួយដោះស្រាយផលប៉ះពាល់ដែលបណ្ដាលមកពីគម្រោងសាងសង់ផ្លូវថ្មីនេះ ឱ្យបានសមស្រប។ប្រជាពលរដ្ឋបានបញ្ជាក់ថា ពួកគាត់មិនជំទាស់ទៅនិងគម្រោងអភិវឌ្ឍន៍របស់រាជរដ្ឋាភិបាលទេក៏ប៉ុន្តែចំពោះគម្រោងសាងសង់ផ្លូវថ្មីមួយខ្សែនេះ គឺកំពុងធ្វើឱ្យប៉ះពាល់ដល់ប្រជាពលរដ្ឋ ខ្លះអាចបាត់បង់ដីនិងខ្លះទៀតអាចខូចខាតដល់ផ្ទះសម្បែង ដែលកំពុងតែរស់នៅផង។ អ្នកភូមិបានចោទសួរថានៅភូមិបឹង មានផ្លូវចាស់១ខ្សែនៅខាងក្រោយភូមិ អានអត្ថបទ

Mar 11

រដ្ឋបាលខេត្តសៀមរាប ណែនាំដល់ម្ចាស់ស្ថានីយ៍ប្រេងឥន្ធនៈទាំងអស់ ឱ្យពង្រឹងតម្លាភាព និងលក់តាមតម្លៃកំណត់របស់ក្រសួងពាណិជ្ជកម្ម

សៀមរាប: ថ្លែងក្នុងឱកាសដឹកនាំកិច្ចប្រជុំពិភាក្សាការងារទប់ស្កាត់ការឡើងថ្លៃ និងការផ្គត់ផ្គង់ប្រេងឥន្ធនៈនៅតាមស្ថានីយ៍ក្នុងខេត្តសៀមរាប នៅថ្ងៃទី១០ ខែមីនា ឆ្នាំ២០២៦ លោក ឌី រ៉ាដូ អភិបាលរងខេត្ត បានណែនាំដល់ម្ចាស់ស្ថានីយ និងដេប៉ូចែកចាយទាំងអស់ ត្រូវផ្គត់ផ្គង់ប្រេងទៅអតិថិជនឱ្យមានតម្លាភាព និងលក់តាមតម្លៃកំណត់របស់ក្រសួងពាណិជ្ជកម្ម ជាមួយការធានាគុណភាព បរិមាណ និងតម្លៃចំពោះអតិថិជន កុំកេងបន្លំទាំងតម្លៃ បរិមាណនិងគុណភាព ព្រោះការបន្លំទាំងនេះវានាំឱ្យប្រឈមទៅនឹងការពិន័យ និងឈានទៅដកហូតអាជីវកម្មតែម្ដង។ លោក ឌី រ៉ាដូ បានបញ្ជាក់ថា ចំពោះករណីម្ចាស់ស្ថានីយ៍ ឬដេប៉ូចែកចាយណាដែលអស់ស្តុកប្រេងសម្រាប់ផ្គត់ផ្គង់ដល់អតិថិជន ត្រូវជូនដំណឹងមកក្រុមហ៊ុនប្រេងឥន្ទនៈ ឬអាជ្ញាធរពាក់ព័ន្ធដើម្បីសម្របសម្រួល និងចែករំលែកទៅតាមលទ្ធភាពជាក់ស្ដែង។ ប៉ុន្តែម្ចាស់ស្ថានីយ ម្ចាស់ដេប៉ូចែកចាយប្រេងទាំងអស់ ត្រូវអនុវត្តឱ្យបានត្រឹមត្រូវតាមប្រកាស និងសេចក្ដីណែនាំរបស់ក្រសួងពាណិជ្ជកម្ម ចៀសវាងប្រព្រឹត្តផ្ទុយដូចជាការតម្លើងថ្លៃ និងមានប្រេងក្នុងស្តុកតែមិនលក់ ដែលនាំឱ្យប្រឈមទៅនឹងការផាកពិន័យ និងទោសទណ្ឌនៃច្បាប់ជាធរមាន។ លោកអភិបាលរងខេត្ត បានជំរុញដល់មន្ទីរអង្គភាពពាក់ព័ន្ធ អានអត្ថបទ

Mar 10

ក្រសួងផែនការ បើកសិក្ខាសាលាផ្សព្វផ្សាយស្តីពីការលើកកម្ពស់អាហារូបត្ថម្ភនៅកម្ពុជានៅខេត្តសៀមរាប

ខេត្តសៀមរាបើ នាព្រឹកថ្ងៃទី១០ ខែមីនា ឆ្នាំ២០២៦នេះ ក្រសួងផែនការ សហការជាមួយមន្ទីរ ផែនការខេត្ត បានបើកសិក្ខាសាលាផ្សព្វផ្សាយ ស្តីពីការលើកកម្ពស់អាហារូបត្ថម្ភនៅកម្ពុជា ក្រោមប្រធានបទ (ការយល់ដឹងអំពីសារៈសំខាន់ ការប្រើប្រាស់អំបិលអ៊ីយ៉ូង និង ពង្រឹងការអនុវត្ត អនុក្រឹត្យលេខ ៦៩ អនក្រ.បក ស្តីពីការគ្រប់គ្រង កាធ្វើអាជីវ កម្មអំបិលអ៊ីយ៉ូដ ក្រោមវត្តមានរបស់ លោក អ៊ីង សុគន្ធ អគ្គនាយករងនៃអគ្គនាយកដ្ឋានផែនការ ក្រសួងផែនការ និង លោក សុខ ថុល អភិបាលរងខេត្តតំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្ត ដោយមានការចូលរួមពីថ្នាក់ដឹកនាំមន្ទីរ អង្គភាព និង មន្ត្រីក្រុង សង្កាត់ និង អានអត្ថបទ

Mar 10

ជនក្រីក្រពីរនាក់ប្តីប្រពន្ធយកប្រាក់ធានាគារទិញម៉ាស៊ីនគោយន្តកន្ត្រៃគោលបំណងសុីឈ្នួលដឹកឥវ៉ាន់គេដើម្បីដោះស្រាយជីវភាពជួលគេដឹករយៈពេល២ខែហើយមិនទាន់ ដឹកដល់ផ្ទះ សង្ស័យជួលប៉ះ – – -ទេមើលទៅ

សៀមរាប ÷ ជនក្រីក្រពីរនាក់ ប្តីឈ្មោះ វុិត សុញ និងប្រពន្ធឈ្មោះ ឈិន ប៊ុនលី បច្ចុប្បន្ន អ្នក ទាំងពីរ រស់នៅភូមិ កំបោរអ ឃុំខ្វាវ ស្រុកជីក្រែង ខេត្តសៀមរាប។ ដោយសារតែ មានជីវភាពក្រីក្រ រកព្រឹកខ្វះល្ងាច ផ្ទះដំបូលបាំងមេឃ ជញ្ជាំងបាំងខ្យល់ កូនក៏ច្រើន ម៉្យាងវិញទៀត មុខ របរសុីឈ្នួលយាមចំការស្វាយចន្ទីមិនអាចទ្រទ្រង់ជីវភាពគ្រួសារបានទើបពីរនាក់ប្តីប្រពន្ធសម្រេចចិត្តយកលុយធានាគាត់ ទិញគោយន្តកន្ត្រៃដើម្បីសុីឈ្នួលដឹកឥវ៉ាន់ផ្សេងៗ ដោយ គិតថា ជីវៈភាព នឹងអាចធូរស្រាល ជាងមុន។ ប៉ុន្តែ ជាអកុសល ទិញ ម៉ាស៊ីនគោយន្តរួចជួលគេដឹកមកឲ្យរយះ ពេល២ខែ ហើយម៉ាសុីនគោយន្តដឹក មិនទាន់ ដល់ផ្ទះសោះ។ អានអត្ថបទ

Mar 10

អភិបាលខេត្តកំពង់ចាម អមដំណើរប្រធានស្តីទី ព្រឹទ្ធសភា ចែកកញ្ចប់អាហារស្រាយបួសខែរ៉ាម៉ា ឌន ជូនពលរដ្ឋខ្មែរ-ឥស្លាម ជាង៤០០គ្រួសារ នៅក្រុងកំពង់ចាម និងស្រុកកងមាស

កំពង់ចាម: ឯកឧត្តម អ៊ុន ចាន់ដា អភិបាលខេត្តកំពង់ចាម អមដំណើរឯកឧត្តម អ៊ុច បូររិទ្ធ ប្រធាន ស្តីទី ព្រឹទ្ធសភា នៃព្រះរាជាណាចក្រកម្ពុជា នាព្រឹកថ្ងៃទី១០ ខែមិនា ឆ្នាំ២០២៦នេះ បានអញ្ជើញ ចែកកញ្ចប់អាហារស្រាយបួសខែរ៉ាម៉ាឌន ជូនប្រជាពលរដ្ឋខ្មែរ-ឥស្លាម ប្រមាណជាង៤០០គ្រួសារ នៅក្នុងសង្កាត់សំបួរមាស ក្រុងកំពង់ចាម និងឃុំពាមជីកង ស្រុកកងមាស ។ ថ្លែងក្នុងឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម មានប្រសាសន៍ថា រាជរដ្ឋាភិបាលតែងតែយកចិត្តទុកដាក់ ផ្តល់សេរីភាពជំនឿសាសនាយ៉ាងទូលំទូលាយដល់ ប្រជាជនទូទៅ ដោយឈរលើមូលដ្ឋាននៃការ ពង្រឹងសុខដុមនីយកម្ម រវាងសាសនិកនៃគ្រប់និកាយ សាសនា ប្រឆាំងរាល់ទង្វើរើសអើងនានា សំដៅទប់ស្កាត់ការយកសាសនាទៅធ្វើអាជីវកម្ម ដែលអាចបង្កវិបត្តិសាសនានៅកម្ពុជា។ អានអត្ថបទ

Mar 10

ការផ្ដល់សេវាកម្មជូនប្រជាពលរដ្ឋពីសំណាក់ច្រកចេញចូលតែមួយ នៃរដ្ឋបាលស្រុកកំពង់ស្វាយ

ខេត្តកំពង់ធំ៖ ច្រកចេញចូលតែមួយ នៃរដ្ឋបាលស្រុកកំពង់ស្វាយ ត្រូវបានបង្កើតឡើងក្នុងគោលបំណងផ្ដល់សេវាសាធារណៈជូនប្រជាពលរដ្ឋឱ្យមានភាពងាយស្រួល ឆាប់រហ័ស និងមានតម្លាភាព។ ច្រកចេញចូលតែមួយនេះបានដើរតួនាទីសំខាន់ក្នុងការផ្ដល់សេវាកម្មរដ្ឋបាលនានា ដើម្បីបម្រើតម្រូវការរបស់ប្រជាពលរដ្ឋនៅក្នុងមូលដ្ឋាន។ ជាក់ស្តែង នៅច្រកចេញចូលតែមួយ នៃរដ្ឋបាលស្រុកកំពង់ស្វាយ មានការផ្ដល់សេវាកម្មជាច្រើនដូចជា ការធ្វើលិខិតបញ្ជាក់ផ្សេងៗ ការផ្ដល់សេវាពាក់ព័ន្ធនឹងអត្តសញ្ញាណប័ណ្ណ សំបុត្រកំណើត សៀវភៅគ្រួសារ ការចុះបញ្ជីអាជីវកម្ម និងសេវាកម្មរដ្ឋបាលផ្សេងៗទៀត ដែលពាក់ព័ន្ធនឹងតម្រូវការរបស់ប្រជាពលរដ្ឋ។ លោក ច្រេស ខ្លី ប្រធានច្រកចេញចូល តែមួយស្រុកកំពង់ស្វាយ បានលើកឡើងថាមន្ត្រីអនុវត្តការងារប្រចាំថ្ងៃ នៅច្រកចេញចូលតែមួយស្រុកកំពុងស្វាយ តែងតែអនុវត្តការងារដោយយកចិត្តទុកដាក់ ទទួលស្វាគមន៍ និងណែនាំប្រជាពលរដ្ឋអំពីនីតិវិធីនៃការទទួលសេវាកម្ម ដើម្បីធានាថាការផ្ដល់សេវាកម្មប្រព្រឹត្តទៅយ៉ាងរលូន និងមានប្រសិទ្ធភាព។ក្រៅពីនេះ តម្លៃសេវាកម្ម និងរយៈពេលនៃការបំពេញសេវាកម្មនីមួយៗ ក៏ត្រូវបានបិទផ្សាយជាសាធារណៈ ដើម្បីឱ្យប្រជាពលរដ្ឋងាយស្រួលពិនិត្យ និងជៀសវាងការយល់ច្រឡំ។ ប្រជាពលរដ្ឋដែលបានមកទទួលសេវាកម្មនៅទីនេះ បានបង្ហាញពីការពេញចិត្តចំពោះការផ្ដល់សេវាកម្ម ដែលមានភាពឆាប់រហ័ស សាមញ្ញ អានអត្ថបទ