ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ និងជាប្រធានគណៈកម្មការដំឡើងថ្នាក់ និងឋានន្តរស័ក្តិ សម្រាប់ចៅក្រម និងព្រះរាជអាជ្ញា បានអញ្ជើញដឹកនាំកិច្ចប្រជុំគណៈកម្មការ ពិនិត្យនិងវាយតម្លៃ អំពីសំណើរដំឡើងថ្នាក់និងឋានន្តរស័ក្តិ របស់ចៅក្រម ព្រះរាជអាជ្ញាទូទាំងប្រទេស សម្រាប់ឆ្នាំ២០២៦

ភ្នំពេញ៖​នាព្រឹកថ្ងៃពុធទី១៨ ខែមីនា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ និងជាប្រធានគណៈកម្មការដំឡើងថ្នាក់ និងឋានន្តរស័ក្តិ សម្រាប់ចៅក្រម និងព្រះរាជអាជ្ញា បានអញ្ជើញដឹកនាំកិច្ចប្រជុំគណៈកម្មការដំឡើងថ្នាក់ និងឋានន្តរស័ក្តិសម្រាប់ចៅក្រម និងព្រះរាជអាជ្ញា នៅអគ្គលេខាធិការដ្ឋានឧត្តមក្រុមប្រឹក្សានៃអង្គចៅក្រម។

កិច្ចប្រជុំនេះ បានធ្វើការពិនិត្យ ពិភាក្សា និងវាយតម្លៃ អំពីការស្នើដំឡើងថ្នាក់ និងឋានន្តរស័ក្តិតាមវេនអតីតភាព និងតាមកម្រិតសញ្ញាបត្រ របស់ចៅក្រម ព្រះរាជអាជ្ញាទូទាំងប្រទេស សម្រាប់ឆ្នាំ២០២៦ ចំនួនសរុប ៤២៦រូប ក្នុងនោះតាមវេនអតីតភាពមានចំនួន ៤០៤រូប តាមកម្រិតសញ្ញាបត្រមានចំនួន ២២រូប និងផ្តាច់ពីមុខងារមានចំនួន ៩រូប។ កិច្ចប្រជុំនេះមានការអញ្ជើញចូលរួមពីសំណាក់ឯកឧត្តមជាសមាជិកគណៈកម្មការដំឡើងថ្នាក់ និង​ឋានន្តរស័ក្តិ សម្រាប់ចៅក្រម និងព្រះរាជអាជ្ញា។